ТАТЫЙААНА БАРАХСАН

Иннокентий Сосин тыла

Ходуһабыт муҥунан
Хойуу оту мустаран,
Косилкатын салайан,-
Туллуктанан көтөрүн
Таптаан үөрэ көрөбүн
Татыйаана сэгэрбин.

Сарсыардаттан ылата
Сарыал сүтүөр диэритин,
Сыһыы иһин толорон,
Ыллыы-туойа сылдьарын
Таптаан үөрэ истэбин
Татыйаана сэгэрбин.

Үлэ бүтэн чээл хатыҥ
Симэҕинии киэргэнэн,
Хаарыс солко былаатын
Баанан миэхэ кэлэрин
Таптаан үөрэ көрсөбүн
Татыйаана сэгэрбин.