САНААТТАН АРАХПАТ

В. Башарин тыллара

Уол миэхэ эйэҕэс үөрүүнэн
Истиҥник даҕаны мичээрдиир.
Уулусса унуоргу өттүнэн
Төбөтүн нуоҕатан көрсүһэр.

Уой, тоҕо,
Уол тоҕо,
Истиҥник мичээрдиир?
Концерга, үҥкүүгэ сылдьарбар
Кини туой миигинниин үлэһэр,
Ол кэннэ оонньууттан барарбар
Хайаан да мин дьиэбэр тириэрдэр.

Уой, тоҕо, ^-
Уол оҕо, -
Итиччэ кыһаллар?

Киэһэ кэм тухары бараммат
Кэпсээни-сэһэни эргитэр,
Сүрэхтэн букатын арахпат
Сонуну соруйан тэнитэр.

Уой, тоҕо,
Уол тоҕо
Итиччэ сэһэргиир?

Таптыыра буолуо дии саныахпын
Ол туһун уол төрүт ахтыбат,
Киниттэн мин тэйэн хаалыахпын
Мин бэйэм сүрэҕим буолуммат.

Уой, тоҕо
Уол тоҕо
Санааттан арахпат?