Ырыа кырдала > Максимов Христофор > КЭТИРИИНЭ, ЭТ ЭРЭ!
КЭТИРИИНЭ, ЭТ ЭРЭ!15 августа 2007, 17:06. |
Петр Тобуруокап тыллара
Кэтириинэ, эн миэхэ Кистээбэккэ эт эрэ: Нуолур солко баттаҕыҥ Тоҕо маннык харатын? - Эрдэ туран үлэбэр Ойон-тэбэн иһэммин, Сибэккилээх кырдалым Сиигин мунньан суунабын! Кэтириинэ, эн миэхэ Кистээбэккэ эт эрэ: Аны туохтан атаххын Арыы курдук саһартыҥ? — Алаас, сыһыы сирдэрбэр Алтан отум анньыыта Артыал дьонун кытары Арахпакка оттуубун. Кэтириинэ, эн миэхэ Кистээбэккэ эт эрэ: Алаҕаркаан хараҕыҥ Тоҕо маннык сылайда? — Таптыыр киһи хараҕа Намыын, сылаас буоларын Таайбаккаҕын ыйытар Татым өйдөөх киһигин. « Төттөрү |