ТАПТЫЫР ЭБЭЭТ СҮРЭҔИМ Печать    
А. Бродников тыллара

Күнү кыгта күн буолбут
Күлүмүрдэс бэйэлээх,
Көстөөх сиртэн күлэ турбут
Күндү көмүс дьирбиилээх
Таастаах Амма үрэҕин
Таптыыр эбээт сүрэҕим.

Алтан симэх оһуор аспыт.
Арыы саһыл хонуулаах,
Иэҕэй-нуоҕай будьуруспут
Иирэ талах тулалаах
Таастаах Амма үрэҕин
Таптыыр эбээт сүрэҕим.

Күүстээх сүүрээн көҥү түспүт
Күрүлгэннээх сүлбэлээх,
Күөх сайыҥҥа тоҕуоруспут
Көлүкэчээн күөллэрдээх
Таастаах Амма үрэҕин
Таптыыр эбээт сүрэҕим.

Дьолу айан уһаммыт
Дьоһун-мааны дьоннордоох,
Бөһүөлэгэр уоттаммыт
Бөдөҥсүйбүт колхозтаах
Таастаах Амма үрэҕин
Таптыыр эбээт сүрэҕим.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).