ЭЙЭ ХОЛУУБА Печать    
Р. Атласов тыллара

Кыптыыйдыы туттубут
Кылбаарар кынаттаах,
Элэйбэт-сылайбат
Эйэ, дьол холууба.

Көҥүлү, эйэни
Көхсүгэр сүгэҥҥин,
Кэрэ сир ийэни
Кэрийэн иһэҥҥин,
Өксүөну, тыаллары
Өтөрү көрөҕүн,
Үгүс да куораты
Үрдүнэн көтөҕүн.

Кылбаара тэлээрэр
Кынатыҥ сылайбат,
Сындыыстыы сыыйыллар
Сырыыҥ да мөлтөөбөт.

Сүрэхпит биһиэнэ
Сүрдээҕин баҕарар
Көҥүл, дьол туһугар
Күүстээхтик көтөргөр.
Силбиктээх, тымныылаах
Сир үрдүн кэрийэ,
Эрдээхтик эн көтүүй,
Эйэ, дьол холууба.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).