БИҺИ КЫЫСПЫТ Печать    
С. Тимофеев тыллара

Биһи кыыспыт кэрэ кыыс,
Онно эбии биригэдьиир,
Көссүө, сэмэй, актыбыыс
Күтүөт киһи наада диир.

БиҺи кыыспыт үтүө кыыс
Үрдүк үүнүү маастара,
Үүнэллэр хамсыы-хамсыы,
Оҕуруотун астара.

Оттон, доҕоор, бэйэтэ
Кырасаабысса дьиҥнээҕэ,
Сардаҥалаах сааскы күн
Саһарҕатын тэҥнээҕэ.

Дураһыйар уол элбэх.
Арай кыыспыт эрэйэр,
Бары суолун биир киһиэхэ
Айылҕа кыайан биэрбэтэх

Ол күтүөт киһи диир,
Күөх көппө буолуо суохтаах,
Сатаатар муҥа биир
Дипломнаах буолуохтаах.

Агроном... ветеринар...
Араас идэ үгүс ээ.
Оннук уолу таптыам диир
Биһи кыыспыт биригэдьиир.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).