ДЬАРААЬЫН Печать    
Г. Данилов тыла

Дьарааһын чаайдыаҕын баҕаран
Отууттан солуурчах ылбыта,
Уу баһан дьалкытан таһааран
Уотугар оргута уурбута.

Солуурчах оргуйан тахсыыта
Туох эрэ сараччы буспута,
Маһынан булкуйан көрбүтэ —
Баҕа үөн баҕайы буолбута.

Иккиһин уу баһан аҕалан
Түргэнник оргутан таһааран,
Нэлэгэр миискэҕэ куппута,
Чоху үөн «топ» гына түспүтэ.

Үсүһүн дьалкытан таһааран
Уотугар олордуон иннинэ,
Оргууйдук, сэрэнэн көрбүтэ —
Уу кыыһа дайбаҥныы сылдьара.

Дьарааһын дьэ сиргэ силлээтэ,
Иһитин иҥнэри сүөкээтэ,
Төрдүһүн элгээҥҥэ киирбэтэ,
Сүүрүктээх үрэххэ дьэ сүүрдэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).