ХАЙДАХ-ХАЙДАХ БАҔАЙЫНЫЙ? Печать    
Г. Данилов тыллара

Биһи билэр ыалбыт уола
Медпунктан арахпат буолла,
Мүҥнаах ыарыы буулаабыт,
Хаарыан уолу муҥнаабыт.

Тыый даа! Хайдах уолбут ыарыйдаҕай?
Ханнык ыарыы хаарыйдаҕай?

Эдэр уолбут ыарытан
Эрэйдэнэрин аһынан,
Биэссэр кыыспыт үлэ булбут:
Бэйэтинэн ньээнньэ буолбут.

Ээй-дьэ! диагноһын таайдаҕа,
Ыарыылыырга ылыстаҕа.

Киэһэ аайы күүлэйдииллэр
(Салгын хайаан да наадалаах),
Олус өр да сылдьаллар
(Режим кытаанах быһыылаах).

Аай-даа! Биэссэр киһи биллэҕэ,
Өтөр хата үтүөрдүөҕэ.

Түбэһэ түһэн бөлүүн көрүстүм
Эмчиттээх ыалдьааччыны,
Кыыһа куустун - холкуйар,
Уураан ыллын - уоскуйар.

Ээй-дьэ! Хайдах маннык ыарыыный,
Хайдах-хайдах баҕайыный?


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).