ХАРАЛААМПЫЙ МОЛООЧУК Печать    
Күннүк Уурастыырап тыллара

Хойуу үөттээх аппанан
Ходуһаҕа киирбитэ,
Чуоҕур-буулуур аттанан
Дьоруолатан кэлбитэ.

Хос ырыата:

Хаарыаннаахай доҕоччук -
Харалаампый Молоочук.

Сэлээппэтин уһулан,
Сэбиргэҕин туттунан,
Оттуу сылдьар дьоннорго
Уонча төгүл тохтоото.

Хос ырыата.

Тиэтэлинэн матыыптаан
Тилэ сүүрдэ-кэрийдэ,
Отчуттары ыҥыртаан
Омурҕаны тэрийдэ.

Хос ырыата.
Куоталаһыы хаамыытын
Куолутугар ыйытта,
Онтон отуу хаһыатын
Одоҥ-додоҥ ырытта.

Хос ырыата.
Үлэ, кыайыы туһунан
Үксү билбит ааттанна.
Дьоннуун илии тутуһан
"Дойдутугар" аттанна.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).