ОННУК ИНИ, ОЛ - ДЬОЛ ИНИ Печать    
Күннүк Уурастыырап тыллара

Харах иҥнэр, санаа иҥэр
Кэрэ кыыстыын кэпсэтиини —
Эдэр уолга дьоло дииллэр.
Оннук ини, ол — дьол ини...

Сорох баҕас оннук дьолго,
Соҥуй муҥнаан, хаһан тиийиэй!
Мин таптыырбын хайдах, тоҕо,
Кимтэн истэн, Кээтии билиэй?

Кээтии суоҕар ахта, кэтии,
Кэри-куру санньыйабын,
Көрдөхпүнэ, күҥҥэ тэҥник,
Күлэ-үөрэ манньыйабын.

Үргэн иһэр бүүчээн курдук,
Өрүү кини түргэн буолар.
Биирин үксүн онон ордук
Түгэн тиийбэт, түгэн тиийбэт...

«Тохтоо!» — диэхпин туттунабын,
Тугум буолан тохтотуомуй,
«Кэпсээ!» — диэхпин куттанабын,
Кимим буолан кэпсэтиэмий.

Харах иҥнэр, санаа иҥэр,
Кэрэ кыыстыын кэпсэтиини —
Эдэр уолга дьоло дииллэр.
Оннук ини, ол — дьол ини.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).