ДЬИКТИ СЭМЭЙ КУУҺУМА Печать    
Күннүк Уурастыырап тыллара

Дьикти сэмэй Кууһума,
Дьиибэлээмэ, кууһума.
Үҥэр кыыһыҥ үксэ бэрт,
Үктэтэриҥ биллибэт.
Бостуой Боккуой көрүөҕэ,
Боруоктуоҕа, мөҥүөҕэ.

Дьикти сэмэй Кууһума,
Дьиибэлээмэ, кууһума.
Балыгыаһыҥ билиэҕэ,
Маайыстыын истиэҕэ,
Иэдээнигиҥ элбиэҕэ,
Эппиэттиирин кэлиэҕэ.

Дьикти сэмэй Кууһума,
Дьиибэлээмэ, кууһума.
Оһуохайдаах киэһэҕэ
Олооччулаах Еляҕа
Андаҕаргын умнума,
Алыс дэлэй туттума.

Дьикти сэмэй Кууһума,
Дьиибэлээмэ, кууһума.
Өрүүнчүктэр үһүөбүт,
Үһүөн тэҥнэр үһүбүөт?!
Эн «сэмэйгин» истэбин,
Эн сэлээргин билэбин.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).