АЛААСКА, МИН ЫАЛЛЫЫ КОЛХОЗПАР Печать    
Семен Данилов тыллара

Алааска, мин ыаллыы колхозпар,
Аатырбыт сылгыһыт киһи баар,
Ол киһи хотойдуу хараҕар
Дууһабын туттардым быһыылаах.

Кынаттаах туус-маҥан атынан,
Кытылбар көтүтэн ааһарын,
Санааргыы, бүтэйдии сайыһа,
Саҥата суох көрөн хаалабын.

Оһуокай саҕалаан чоргуйан,
Оҕуйа-доҕуйа дугунан,
Үҥкүүлээн битийэн барарын
Үөрэ дуу, сөҕө дуу көрөбун,

Кинини мин илэ көрдүүбүн,
Кинини мин түһээн көрөбүн,
Суоҕугар бүтэйдии ахтабын,
Баарыгар тылбыттан матабын.

Үчүгэй хараҕын алыба,
Үчүгэй түүл курдук, манньытар,
Тапталы мин билэ илигим...
Тапталым, ама, эн инигин?!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).