САҤА ХААР Печать    
Николай Чуор тыллара

Саҥа хаар килбик кыыс кэриэтэ,
Сибиэһэй ып-ыраас бэйэтэ,
Айылҕа дьиктилээх кэрэтэ
Абылыыр долгутар да этэ.

Эн биһи иккиэйэх этибит
Үрүҥ хаар үҥкүүлүүр түүнүгэр,
Симиттэ сиэттиһэ иһэрбит
Сир ийэ күлүмнүүр күөнүгэр.

Саҥа хаар эн хааскар түһэрэ
Сабыта бүрүйэн иһэрэ,
Көрбүтүм үрүҥ хаар оһуорун,
Эн кэрэ сибэкки курдугун.

Саҥа хаар саҥа кэм кэриэтэ,
Саҥа хаар саҥа дьол бэйэтэ,
Саҥалыы олоххо ыҥырар,
Саҥаны айарга угуйар.

Саҥа хаар бу олох салҕанар
Дьиктилээх ураты бэлиэтэ,
Саҥа хаар айылҕа баҕарар
Күөх быйаҥ муоратын кэриэтэ.

Айылҕа бу дьикти бэлэҕэ
Күндүгүн хас киһи сүрэҕэр,
Саҥа хаар үйэттэн үйэҕэ
Саҥалыы саҥдааран түһүөҕэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).