ДОРООБО, ТАПТАЛЫМ ЧАРАҤА

Семен Капитонов тыллара

Дорообо тапталым чараҥа,
Мин дьоллоох күннэрим туоһута,
Кэллим дии эйигин көрсөөрү
Кэрэттэн кэрэбин кэриэстии.

Хос ырыата:

Дьоллоох да этибит тапталтан
Эн эдэр хатыҥыҥ анныгар,
Сэбирдэх сибэкки сытынан
Доҕорум туймаара сууммута .

Ол сайын доҕорум биһиги
Ахтыһыы диэн тугун билбиппит,
Көрсүһүү үөрүүтүн-көтүүтүн
Өйдүүгүөн, чараҥым, көрбүккүн?

Хос ырыата.

Ол кэмтэн өссө күндүгүн
Сүрэхпэр, мин Аммам чараҥа,
Өйдүүрэ буолуо дуо эйигин
Мин иэйиим муоратын кубата.