Ырыа кырдала > Корякин Владимир (Индигирский) > МИН СҮРЭҔИМ
МИН СҮРЭҔИМ15 августа 2007, 16:40. |
Алексей Софронов тыллара.
Сүрэҕим, эрэйдээх сүрэҕим Эн туохтан бу курдук долгуйдуҥ? Адьаһын акаары күтүргүн Ыксааҥҥын ыгыллан битийдиҥ. Хос ырыата: Өллөххө да биир өлүү Сүттэххэ да биир сүтүү - Үтүөнү оҥорон өлүллүө Сүдү иэс төлөнөн сүтүллүө. Дойдуга иккистээн эргийбэт, Дьулааннаах сураҕы иһиттиэҥ, Доҕорбун, дьоннорбун көрсүбэт Дьылҕабын, аналбын тосхойдуоҥ? Хос ырыата. Дьон көҥүлүн, күндүтүн туһугар Дойдуну көрбөккө умсуллуо, Кэнчээри кэскилин иннигэр Эргийбэт аартыгы тутуллуо. Хос ырыата. « Төттөрү |