ДЬОЛЛООХ БУОЛ, ТАПТАЛЫМ

Владимир Корякин тыллара

Эн ыраас, эн кэрэ мөссүөнүҥ
Дууһабын үөрүүнэн толорор.
Эн ыраах куолаһыҥ дорҕооно
Бу кэлэн чугаһаан дуорайар.

Ыраатан айанныы сылдъаммын
Ахтаммын мунчааран ылабын.
Эйэкэс мичээргин суохтааммын
Эйигин элбэхтик саныыбын.

Олохпор күн сирин үрдүгэр
Эйигин көрсүбүт дьоллоохпун.
Ханнык да ыарахан күннэрбэр
Эн аатын сүрэхпин долгутар.

Билэбин кэм кэлэн тэйиэҕиҥ
Аналлаах доҕоруҥ ыҥырыа.
Кинилиин күн дьолун буларгар
Долгуйа мин алҕыы хаалыаҕым.