ҮҮННЭ ЫһЫАХ КҮНЭ Печать    
Николай Попов тыллара

Ойор күнүм күлүмүнэн.
Оҕо дьоллоох күлүүтүнэн.
Алгыс сырдык ыратынан.
Аллар кымыс утаҕынан

Сырдыы үүннэ ыһыах күнэ
Саха дьоллоох, саха дьоллоох түһүлгэтэ.

Хомус иэйэр ырыатынан,
Хоһуун уолан тойугунан.
Хара харах тырымынан,
Халлаан чаҕыл сырдыгынан.

Сырдыы күллэ ыһыах күнэ -
Саха дьоллоох, саха дьоллоох түһүлгэтэ.

Нуолур чараҥ сиккиэринэн
Нарын үҥкүү дьиэрэҥинэн,
Күрсэр былчыҥ күүрүүтүнэн.
Кыайыы үрдүк үөрүүтүнэн

Сырдыы үөрдэ ыһыах күнэ
Саха дьоллоох, саха дьоллоох түһүлгэтэ.

Саргы ыһыах ырыатынан,
Саха дьонун ыратынан,
Санаа көтөр иэйиитинэн,
Сүрэх күүтэр эрэлинэн.

Сырдыы үүннэ ыһыах күнэ -
Саха дьоллоох, саха дьоллоох түһүлгэтэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".