ПАВЛОВСКАЙГА Печать    
Иван Алексеев тыллара

Саха омук кутун туппут
Улуу Лена кытылын
Оҕо сааһым кустук курдук,
Көстөн ааспыт кырдалын -

Уйгу-быйаҥ Павловскайы
Хаһан да умнубаппын.

Үрүҥ тунах силигилиир,
Сыспай сиэллээх үөрдээн кыстыыр.
Хортуоппуйун хайа курдук.
Үлэ дьонун үөрдэ куппут.

Кэтит, уһун Павловскайы.
Хаһан да умнубаппын.

Кырдьар сааһым түбүктэрин
Корөн сыттын таптыыр сирим.
Олох үгүс эргиирдэрин,
Кыайан-хотон тиийэн кэлбит.

Биһик буолбут Павловскайы,
Хаһан да умнубаппын.

Сайар халлаан күөх куупалын
Сандаарыта чаҕылыттын
Саллар сааска саҥа омук
Ийэ кутун тута турдун!

Сүрэх курдук Павловскайым
Сайдар-үүнэр аартыгым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).