ХАЙААН ДА КЭЛИЭҔИМ Печать    
Иван Алексеев тыллара

Көмүс күн муораттан тахсыыта,
Күөх чэчир күөгэйэ тыллыыта.
Мин ырыа кынаттаах,
Мин хомус түтуурдаах
Хайаан да эһиэхэ кэлиэҕим.
Хайаан да эһиэхэ кэлиэҕим.

Үрүҥ хаар үҥкүүтэ туруута,
Дьүкээбил күлүмнүү оонньуута,
Оһуохай тойуктаах,
Олоҥхо дьарыктаах
Хайаан да бар дьоммор кэлиэҕим.
Хайаан да бар дьоммор кэлиэҕим.

Тоҥ буурҕа ытылла да турдун,
Ардах уу суккулла тоҕуннун,
Кэнчээри ыччаты
Кэскилгэ алҕаары
Хайаан да мин манна кэлиэҕим
Хайаан да мин манна кэлиэҕим

Үрүҥ күн күлэрин тухары,
Үс саха үөскүүрүн тухары
Сүрэхпэр ырыалаах,
Суолбар да соргулаах
Мин манна эргиллэн ааһыаҕым
Мин ыллаан, мин туойан барыаҕым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).