ИЙЭ ДОЙДУМ Печать    
Иван Алексеев тыллара

Сүрэҕим уот кутаатынан
Эн сулускун килбэтэбин
Олоҕум күөх ыллыгынан
Эн аартыккын киэргэтэбин.

Хос ырыата:

Оо, Ийэ дойдуом,
Оо, Ийэ дойдуом!

Илиим сылаас сыралынан
Эн дьыбаргын ириэрсэбин
Санаам тимир кынатынан
Эн туманҥын силэйсэбин

Хос ырыата.

Өстөөх биистиин хапсыыларга
Өрүү көтүөм хотой курдук
Саха аатын үөһэ тутан
Баҕар, онно мин охтуоҕум.

Хос ырыата.

Аан дойдуга саллар сааска
Эн халлаанын үрдүү турдун,
Кэнэҕэс да дьон аймахха
Эн чыычааҕыҥ дьолу туойдун.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).