СИБЭККИ Печать    
Моисей Ефимов тыллара

Нарын да, намчы да көрүҥнээх
Таҥара кийиитэ сибэкким,
Эп көмүс оҕуруо силбиктээх
Сыһыыттан эн манна кэлбитиҥ.

Нуоҕайбыт төбөҕөр сыстыбыт
Күн уота чаҕыллаах таммахтар,
Үөрүүттэн долгуйан тахсыбыт
Харах уутунуу ол сырдыктар.

Сарсыарда саһарҕа кыыһыыта
Кыыс оҕо көрсүбүт тапталын
Тырымнас туоһута, быһыыта,
Тыыннаах сибэкки эн бу бааргын.

Ол иһин даҕаны килбиктик
Эн чэбдик күөҕүнэн күлэҕин.
Эдэрбин, күөгэйэр күннэрбин
Миэхэ эн өйдөтен кэлэҕин.

Тахсар күн сарыалын кытары
Эн манна, бу хоско киирбиккин.
Күлүгэ суох ыраас тапталы
Арчылаа, эн сэмэй сибэкким.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).