ҮӨРҮҮМ-КӨТҮҮМ ҮРДЭЭ Печать    
Эллэй тыллара

Үөрүүм-көтүүм үрдээ!
Үрэх, үрэх үрдүн
Үрүҥ көмүс сүүрүк
Өрө сүүрэн күүрдэ.

Кэҕий-эҕий кэҕэ
Кэтит чэлгиэн алаас
Килбэс-кубар тыатын
Киирэ-тахса туойда.

Итии уоттаах күнүм
Ирим-дьирим кыыма
Иэҕэй-нуоҕай тииккэ
Экчи тыган иҥнэ.

Күлүм-чаҕыл күөҕүм
Күүскэ-күүскэ тыынна.
Көҥдөй көмүс түөһүм
Көҥүл уотун истэ.

Үөрүүм-көтүүм үрдээ!
Өлгөм быйаҥ уота
Өһөх күлүк түүнү
Үлтү көтөр буолла!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).