ЧЭ, ЧЭ... Печать    
Петр Тобуруокап тыллара

Бүрэ буоллун дьүһүнэ,
Хара буоллун сирэйэ,
Сүүһэ баҕар лоппойдун,
Уоһа баҕар толлойдун.

Xос ырыата:

Чэ, чэ этиҥ-этимэҥ,
Чэ, чэ күлүҥ-күлүмэҥ,
Син биир, син биир
Хайгыыбын, Сэмэнчикпин
Таптыыбын.

Дьоройботун уҥуоҕа,
Дьонтойботун сотото,
Харахчаана кылайдын,
Кулгаахчаана даллайдын.

Хос ырыата.

Ымыы буолар куоластаах
Ырыаһыт да буолбатын,
Үөһэ көтөр кынаттаах
Үҥкүүһүт да буолбатын.

Хос ырыата.

Үлэ күүрээн кэмигэр
Үс бүгүнэн үрдээччи,
Туттар-хаптар кэмигэр
Тоҕус төгүл тупсааччы.

Хос ырыата.

Уураһарын омуна
Уһун кыһын сылдьыһар,
Сыллаһарын сылааһа
Сылы быһа сылдьыһар.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).