КЫТАЛЫК КЫЛБАҤНААН КӨҺҮННЭ Печать    
Михаил Тимофеев тыллара

Бүгүн мин көрдүм ыраахтан
Биир кэрэ устудьуон кыысчааны,—
Сарсыарда тунал саҕахтан
Тахсар күн кэриэтэ кыысчааны.

Ол кыыс таҕыста сценаҕа
Умайа, сырдыкка дьулуһа;
Хараҕар, хара суһуоҕар
Оонньоото халлаан сулуһа.

Чугдаарда нарын ол кыысчаан
Талаҕым чыычааҕын дьүөрэтэ,—
Ыллаата намыын куоласчаан
Ыраастык лыҥкыныы, дьиэрэтэ:

Үрүйэм сүүрдэн тыргыйда,
Уу долгун уйаҕас тыаһынан;
Ыҥырда ойуур ыркыйа,
Ыйдыҥа, киэҥ сыһыы, бааһына.

Булүүм кылбаарар үөһүнэн
Күөх буруо унаара тэлгэннэ,
Былыттаах халлаан үрдүнэн
Кыталык кылбаҥнаан көһүннэ.

Истиҥ доҕоруом, эн истиий,
Мнн көрдүм бнир кыыһы ыраахтан,
Тилинним эбээт иккистээн,—
Тэтэрбит иэдэстэн, ырыаттан...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).