ААТТАЛ Печать    
Михаил Тимофеев тыллара

Элиэнэ эбэккэм,
Эн силлиэ үөскүнэн
Эдэр уол сэриигэ
Өр буолла барбыта:
Күөх тумул кэриигэ
Кэтэһэ хаалбытым.

Хаар түһэр, саас ууллар,
Көмүөлү уһаарар.
Төрөөбүт буоругар
Туруйа эргиллэр.
Арай, мин сэгэрим
Сураҕа суох сүттэ!

Элиэнэ эбэккэм,
Эн ньууруҥ тубуста!
Эн наҕыл сүүрүккэр
Ый сырдыыр, күн устар!
Арай, мин эрэлим
Дириҥҥэр тимирэр...

Элиэнэ эбэккэм,
Эн тоҕо эппэккин?!—
Ирдэһиий, ааттаһыый
Эдэркээн саллааты
Арҕааҥы далайтан,
Илиҥҥи муораттан...

Элиэнэ эбэккэм,
Эн силлиэ үөскүнэн
Эдэр уол сэриигэ
Өр буолла барбыта,
Иэримэ дьиэтигэр
Эргиллэн кэлбэтэ!..


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".