ТУРУЙАЛАР Печать    
Михаил Тимофеев тыллара, Герман Комраков мелодията

Төрөөн-ууһаан, тохсуо буолан,
Толооннортон туруннулар
Дойду, таптал, ахтыы тыллаах
Тураадыйар туруйалар.

Көмүс күһүн тыына биллэр
Күп- күөх урсун дьиримигэр,
Күнү сырса сэлэлээннэр,
Күөллэрбитин эргийдилэр.

Алаастарын көрө-көрө
Аргыый аҕай дайбаҥныыллар
Айан уһуу көтөрдөрө
Аанньал курдук туруйалар.

Тоҕо чуумпу туруйалар,
Бачча эрдэ айанныыгыт?
Тоҕо мунчаа, уйан буолар
"Бырастыы"дэһэр хаһыыгыт?!

Дойдугутун ахтан, эһиил
Төннөн кэлэн, хомурахха
Толооннорго тохсуо түһэн
Дуораһыта хаһыытыаххыт?!

Арахсыыттан аймаһыйан,
Туруйалыы турууктаһар
Уйан сүрэх тылларынан
Туолан ылар миэнэ дууһам...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).