ТАПТАА

Семен Данилов тыллара

Таптаа, бу сир оҕото,
Таптаа сири, халлааны!
Үрдүк үөрүү, хомолто —
Таптыыр сүрэх талаана.
Таптыыр сүрэх араарар
Куһаҕантан күндүнү,
Кини эрэ бас билэр
Спбэккини. Дьолу. Күнү.

Үрдүк үөрүү, хомолто —
Таптыыр сүрэх талаана,
Таптаа, бу сир оҕото,
Таптаа сири, халлааны.
Таптаабатах сүрэххэ
Дьон, Сир, Олох — барыта
Бороҥ буолан көстүөҕэ,
Чуҥкук буолуо барыта.

Таптаа бу сир кэрэтин
Таптаа, таптаа күн курдук.
Чуҥкук олох кэриэтин
Олорботох да ордук.
Үрдүк үөрүү, хомолто —
Таптыыр сүрэх талаана,
Таптаа, бу сир оҕото,
Таптаа сири, халлааны.