ВЕТЕРАННАР Печать    
Алексей Бродников тыллара

Кыайыы өрөгөй күнүгэр
Кыһыл болуоссатынан,
Хаамыстыбыт ветераннар
Халыҥ биир халҕаһанан.
Кэрэ болуоссат барахсан
Чэчир тааһын иэнигэр
Хас мөлүйүөн киһи тахсан
Хаампыта буолуой, сэгэр...

Хос ырыата:

Хардыы ахсын кыһыл таастар
Хайдах эрэ, санаабар,
Кэпсииллэр, күн-дьыл да аастар,
Кэлэр үйэ кулгааҕар.
Ааһаллара тыйыс, хааннаах.
Албан ааттаах буойуннар
Ыҥырыы, андаҕар тыллаах
Ыстаал, ньыгыл полкалар.

Арааппары ылаллара
Аҕам саастаах маршаллар,
Килбиэн тааһынан хаамсаллара
Киэҥ тутта, генераллар.
Хор, онно биһиги эмиэ
Кыттыстахпыт үһү бу,
Остуоруйа кэлин кэпсиэ
Онно саха буойунун.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).