СЭРИИ КЭМИН ИЙЭТЭ

3. Иванова тыллара

Ииммит, хаппыт уҥуох санныгар
Эргэ сиидэс таҥастаах,
Намчы сүүһүн бобуонньуктуу
Саба бааммыт былааттаах,
Колхоз күүстээх үлэтигэр
Күнү быһа эриспит
Кини этэ дьоһун киһи
Сэрии кэмин ийэтэ.

Борук киэһэ суорунаны
Курулата эрийэн,
Остуолугар кэмчи аһын
Үөрэ-көтө тэрийэн,
Түүнтэн-түүнүн нуктаабакка
Ииһин-күөһүн бэрийэн,
Олус күндү киһи этэ
Сэрии кэмин ийэтэ.

"Оҕом эрэ",- диэбит ахан
Уйан-намыын бэйэтэ
Күҥҥэ көрбүт көмүһүгүн
Уот буурҕаҕа атаара,
Хараастарын баһыйаары
Халы-мүлү туппута,
Боруогар туран хаалта
Сэрии кэмин ийэтэ.