СЭБИРДЭХТЭР ЫЛЛЫЫЛЛАР

К. Уткин тыллара

Күлэр күннээх үрэхпэр
Дьоллоох долгун үҥкүүлүүр,
Айыы тыыннаах алааспар
Сэбирдэхтэр ыллыыллар.

Xос ырыата:

Дьүрүһүйэ дьиримнии,
Кэрэ ырыа кутуллар.
Алгыс курдук аймана,
Сэбирдэхтэр ыллыыллар.

Тырымынан тыыннанан
Сардааналар сиппиттэр,
Өрүкүйэр үҥкүүнэн
Оһуохайдыы оонньууллар.

Хос ырыата.

Устар ууну уруйдуу
Тойук-ырыа дьоруолуур,
Луҥхам албан алгыырдыы
Иэйии буолан эйэҥниир.
Хос ырыата.