Ырыа кырдала > Калининский Алексей - Луҥха > СУБУЛЛАР СУҺУОХ
СУБУЛЛАР СУҺУОХ7 февраля 2008, 12:13. |
К. Уткин тыллара
Субуллар суһуоххар дабайан, Сүүрэлиир сүрэххэр тиийдэрбин, Аан дойду аламан күнүнэн Түллэҥниир түөстэргин көрдөрбүн. Субуллар суһуоххар сууланан Уолукпун угуттаан ылларбын, Күн көмүс симэххэр бигэнэн Кэлэр кэм билгэтин биллэрбин. Хос ырыата: Субуллар суһуоххун тарааммын, Ый кыыһар кыымнарын ылларбын, Уот төлөн кулуна буоламмын Угуйан ыраахха иттэрбин. Субуллар суһуоххун өрөммүн Уран тыл оһуорун хаттарбын, Уоллаах кыыс таптала гынаммын Уостубат номоххо ыыттарбын. Субуллар суһуоххун ыламмын Кырыымпа кылымныы сыыйдарбын, Этигэн хомустуу тардаммын Эдэр саас илдьитэ гыннарбын. Хос ырыата. « Төттөрү |