ЭЙИЭХЭ

Айталын тыллара

Пааркаҕа бэс чагда быыһыгар
Арай мин соҕотох хаамабын,
Истэбин аттыбар, доҕоччуок,
Тыал оргууй өрүтэ тыынарын.

Хос ырыата:

Мин чуумпу сиккиэр тыал курдукпун.
Эн ыраах баар муора курдуккун.

Тыал манна хонук сир көрдүүрдүү
Күөх ыллык устунан мэнээхтиир,
Доҕорун сүтэрбит бүүчээннии
Чуумпуран мас быыһын иһиллиир.

Хос ырыата.

Ардыгар сүрдээҕин мунчааран
Бу тыалы уруургуу саныыбын,
Оччоҕо курдаттыы тартаран
Эйигин олуһун ахтабын.

Хос ырыата.