ОҔО СААҺЫМ САРСЫАРДАТА Печать    
Христофор Горохов тыллара

Оҕо сааһым сарсыардата,
Ийэм сыллаан туруоруута,
Мас атынан халыһыта
Атастарым ыҥырыыта.

Хос ырыата:

Оҕо сааһым сарсыардата
Буспут отон саһарҕата,
Күөх долгуҥҥа күөлэһийэр
Күн төгүрүк алаадьыта.

Оҕо сааһым сарсыардата
Араас кэпсээн алтыһыыта.
Пионер сбор кутаа уота
Маҥнай түүнү сырдатыыта.

Хос ырыата.

Оҕо сааһым сарсыардата
Таптал кистэл саппыыската,
Хоһоон түөһү сылаанньыта
Кумааҕыга кутуллуута.

Хос ырыата.

Оҕо сааһым сарсыардата
Арахсыһыы кыһалҕата,
Олох уустук араҥата
Аһымматтык арыллыыта.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).