КЭБЭЭЙИ Печать    
Иннокентий Левин тыллара

Үс өрүс кутуллан холбоһор
Холбороҥ хочотун күөнүгэр
Айылҕам маанылаах бэлэҕэ
Баар эбит Элиэнэ эбэҕэ.
Бу маннык үтүөкэн дойдуга,
Араас булт аараабыт сиригэр
Дьон-аймах төлкөтүн түстээри
Үөскээбит эбиккин Кэбээйи.

Сыһыыга сырбайар сиэллээҕи,
Хонууга хороҕор муостааҕы,
Күөллэргэ,өрүскэ балыгы
Үөскэтэр, дэлэтэр дьоннордоох.
Аатырар Ньидьили эбэлээх,
Өлгөм от, ходуһа, сир баайдаах
Дьон-аймах олоҕун түстээри
Үөскээбит эбиккин Кэбээйи.

Айылҕа алыптаах кэрэтэ
Алгыстаан эппитин кэриэтэ
Аан дойду ойуутун-мандарын
Бастыҥын-маанытын мунньуммут.
Бу маннык үтүөкэн дойдуга
Гаас-байҕал далайын үрдүгэр
Дьон-аймах саргыта үрдээри
Үөскээбит эбиккин Кэбээйи.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).