ХОТОЙДОР Печать    
Марфа Куличкина тыллара

Эдэркээн биэс ньургун бырааттыы Малгиннар
Көҥүл-дуол, дьол-соргу туһугар
Өстөөххө өһүөннэээх уот буурҕа буоланнар
Кыайыыны күөрэччи ууммуттар.

Хос ырыата:

Олору кыайбыттар өрүүтүн өлбөттөр,
Уотунан кытыастар кыымнаахтар.
Дьон, норуот дьолугар тыыннарын биэрбиттэр.
Үйэ-саас тухары тыыннаахтар.

Эдэркээн биэс ньургун бырааттыы Малгиннар
Эргиллэн кэлбэккэ хаалбыттар,
Кэтэһэр кыыс оҕо түүлүгэр киирэннэр
Кырдьыбат аналлаах эбиттэр.

Хос ырыата.

Эдэркээн биэс ньургун бырааттыы Малгиннар
Куорсуннаах хомпоруун хотойдор
Тапталлаах дойдугут, төрөөбүт Тааттаҕыт
Кырдалын үрдүнэн хаамсаҕыт.

Xос ырыата .


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).