КҮӨРЭГЭЙ Печать    
М. Усов тыллара

Күн көмүс суһуоҕун силэйэн,
Күөх халлаан үөһүгэр дьулуһан,
Күөх оттоох кырдалым иэниттэн
Күөрэйдэ күөрэгэй туйааран.

Сибэкки дыргыйар сымара,
Сэбирдэх эгэлгэ сипсиэрэ,
Үрүйэ салгыбат күлүүтэ
Иһиллэр бу дьикти ырыаҕа.

Хомус от долгуйар муората,
Хомуспут лыҥкынас дорҕооно,
Оҕо саас кынаттаах күйгүөрэ
Хоһуллар дьырылас тойукка.

Эйэлээх халлааммыт анныгар
Кэрэтиэн күөрэгэй чуораана,
Ийэ сир нарына-намчыта
Алыптаах ырыаҕа түмүллэр.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).