ҮРЭХПЭР ЭРГИЛЛИИ Печать    
К. Уткин тыллара

Эдэр саас илдьитин истэммин
Үөскээбит үрэхпэр тардыстым,
Уйгуурбут уйулҕа буоламмын
Чуҥкуйбут чуумпугун аймаатым.

Хос ырыата:

Ахтылҕан алааһын көрөммүн
Үөрүүнэн үҥкүүлүөх курдукпун,
Санньыйбыт санаабын сайҕааммын
Сайаҕас ырыанан тыынабын, ыллыыбын.

Күөх нуоҕай мутукча туймаарар
Мин ыра санаабын ылынан,
Сирэм от симэҕин тараанар
Мин тохтор тойукпар астынан.

Хос ырыата.

Күндэлэс Луҥхабар кэлэммин
Сүрэхпин сүүрүктүү ытыйдым,
Биһикпин бигээбит буоламмын
Куппунан куустуһар дьоллоннум.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).