ТАПТАЛГА ТАЛАҺА Печать    
П. Степанов тыллара

Өр хааман сылайан өрүскэ,
Утахпын ханнара киирбитим,
Төннүүбэр сүүрүктээх көҥүскэ,
Биир кыыстыын көрсүһэ түспүтүм.

Хос ырыата:

Оо, кэрэ хартыына хараҕар,
Тэбэнэт дьикти уот умайар,
Хап-хара мөлбөөркөй суһуоҕар,
Ханыылыы хаастара хардастар.

Мин диэки хайыһан көрбөккө
Ааста дии турбутум сүөм түһэн.
Ол күнтэн сүрэхпэр өспөккө
Сүүдэйэ умайар көрдүгэн.

Хос ырыата.

Кэрэ кыыс кэлиэ диэн кэтэһэ,
Киирэбин сүүрүктээх көҥүскэ,
Сонуоруу санаарҕал бэлиэтэ,
Соҕотох тиит турар ол үөскэ.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".