НЬУРГУҺУН ЫРЫАТА Печать    
К. Уткин тыллара

Тоҥ хаары тумсунан тобулан
Саҥа саас илдьитэ эргийдэ.
Күөх унаар күлүмэр көҕүтэн
Ньургуһун ыһыахха ыҥырда.

Хос ырыата:

Ньургуһун, ньургуһун, ньургуһун.
Мин ырыам кылбаарар кыната.
Ньургуһун, ньургуһун, ньургуһун.
Мин таайар тапталым ымыыта.

Сүүс араас сибэкки симэҕин
Өлүмнэс үҥкүүтүн керөбүн.
Оҕо саас оһуордаах оонньуутун
Уран уус хоһооммор холбуубун.

Хос ырыата.

Ньургуһун ырыатын ыҥыран
Ытыспар мин ылгыы турабын.
Арыылаах алгыспын анааммын
Аал уоппун аһатан эрэбин.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).