ЭЙИЭХЭ Печать    
Айталын тыллара

Пааркаҕа бэс чагда быыһыгар
Арай мин соҕотох хаамабын,
Истэбин аттыбар, доҕоччуок,
Тыал оргууй өрүтэ тыынарын.

Хос ырыата:

Мин чуумпу сиккиэр тыал курдукпун.
Эн ыраах баар муора курдуккун.

Тыал манна хонук сир көрдүүрдүү
Күөх ыллык устунан мэнээхтиир,
Доҕорун сүтэрбит бүүчээннии
Чуумпуран мас быыһын иһиллиир.

Хос ырыата.

Ардыгар сүрдээҕин мунчааран
Бу тыалы уруургуу саныыбын,
Оччоҕо курдаттыы тартаран
Эйигин олуһун ахтабын.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).