ДОҔОРБОР Печать    
К. Васильева тыллара

Тумарык тымныылыын уураһар
Туналҕан ыйдаҥа буоламмын,
Түннүккүн өҥөйөн туруохпун,
Доҕоруом, баҕардым даҕаны.

Хос ырыата:

Дьиримниир-суһумнуур дьиэрэҥкэй
Дьүкээбил сырдыгар холбоһон,
Мичээрдиир хараххын көрүөхпүн,
Доҕоруом, баҕардым даҕаны.

Тамайар сэлиилээх, наарталаах
Туундара табатын миинэммин
Тэлгэһэ иһигэр киириэхпин,
Доҕоруом, баҕардым даҕаны.

Xос ырыата.

Хоһоонньут доҕорбор туойуллар
Хоту сир сааһыгар кыттыһан,
Эйиэхэ ыалдьыттыы тиийиэхпин,
Доҕоруом, баҕардым даҕаны.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).