ДОҔОРУОМ, ЫЛ КЭЛИИЙ... Печать    
О. Иванова тыллара

Киэһээҥи сөрүүҥҥэ кытылга киирэммин
Мин күндү сэгэрим кэлэрин кэтиибин.
Иннибэр киэҥ Амма мэндээрэ долгуйар,
Аттыбар күөх иирэ күөгэйэ нусхайар.

Тулабар мунньустан чыычаахтар ыллыыллар,
Уйгуму-быйаҥы хоһуйан туойаллар.
Ыраахтан оһуохай сатарыы дьиэрэйэр,
Ыччаттар сынньанар көрдөрө иһиллэр.

Мин кэрэ сибэкки нарынын таламмын,
Бастыҥа өрөбүн, сэгэрбин саныыбын,
Доҕорум нарыннык, наҕыллык көрбүтэ,
"Доҕоччуок, эйигин таптыыбын", - диэбитэ.

Сүрэҕим нүөлүйэр, сибэкким киэркэйэр,
Сэгэрим бу иһэр, дьоллоохтук мичээрэр.
Доҕоруом, ыл кэлиий, ырыата ыллыахха,
Бу эдэр сааспытын уруйдуу туойуохха!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).