НЬИРЭЙ КӨРӨӨЧЧҮ КЫЫС ЫРЫАТА Печать    
О. Иванова тыллара

Ньирэйдэрбин үүрэммин
Дьиэрэҥкэйдии иһэммин,
Ыллыыр көрдөөх тойукпун
Ылыҥ-истиҥ, кыргыттар.

Араас эдэр уолаттар
Ааммын адьас саппаттар,
Кэпсэтиһэн иһэннэр:
"Кэргэн буолуоҥ дуо?" - дииллэр.

Биригэдьиир Миитэрэй
Билсиэн бэркэ баҕарар.
Сэбиэдиссэй Лэгэнтэй
Сэмээр кэлэн сэлэһэр.

Председатель бэһирэр -
Мэлдьи букет бэлэхтиир,
Агроном уол баара
Арахпакка иҥээнниир.

Бары миигин хайгыыллар:
"Баарбыт-суохпут эн", - дииллэр,
Барар сирбэр маныыллар,
Кэлэр сирбэр кэтииллэр.

Ньирэйдэрбин иитэбин,
Аналлаахпын ахтабын.
Маныыһыты таптыыбын,
Атыттары сирэбин.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).