ТАПТЫАҔЫҤ ИЙЭНИ Печать    
Эллэй тыллара

Күн көрүө - от үүнүө,
Сибэкки тэтэриэ,
Күнэ суох туох үүнүөй -
Күөх сирэм күкээриэ.
Ол тэҥэ - Күн тэҥэ
Эн ийэҥ, мин ийэм.
Ийэтэ суох иинэн
Иһийиэ сир ийэ.

Хос ырыата:

Күндүттэн күндүнү,
Кэрэттэн кэрэни,
Күөх сирэм сир күнүн
Таптыаҕыҥ ийэни!

Ийэттэн төрүүллэр
Генийдэр, геройдар,
Долгуннуу үксүүллэр,
Үүнэллэр норуоттар.
Эн, кини уонна мин
Ийэттэн кэлбиппит,
Ийэбит эмиийин
Илгэтин испиппит.

Хос ырыата.

Үрдүк күн соҕотох,
Аан дойдуҥ эмиэ биир,
Ийэ сир оҕото,
Эн ийэҥ эмиэ биир,
Эн түөскэр тэбиэлиир
Ийэккэҥ сүрэ5э,
Лениннии, ийэҕэр
Эрдээхтик иитилин!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).