МАНЧААРЫ Печать    
Т. Сметанин тыллара

Эйэҕэс майгыннаах эдэркээн Манчаары
Эйээрэр куолаһа эймиирэ маардары,
Эгэй дуо эгэйик, эгэй дуо эгэйик.

Кыталык ырыата - Манчаары күлүүтэ
Кыргыттар куттарын долгутар да этэ.
Эдэр саас, эдэр саас, эдэр саас уруйдан!

Чоочо баай олбуора харааран көстөрө,
Туус маҥан атынан Манчаары көтүтэр,
Уол оҕо охтума, аккыттан сууллума!

Манчаары Баһылай тутуллан испитэ,
Үөһэттэн таҥнары Ленатын көрбүтэ:
"Алааһым бырастыы! Күн ийэм, бырастыы!"

Хараҥа хаайыыга нууччалар сыталлар.
Манчаары сахалыы ырыатын таптыыллар.
"0, дойдуом! 0, дойдуом! 0, дойдуом, ырааххын!"

Уһуктаах остуолба тулалыыр түрмэни,
Манчаары мохсоҕол, Манчаары ыстанна.
Мохсоҕол, мохсоҕол! Манчаары мохсоҕол!

Сайсары үрдүнэн сатарыыр оһуохай,
Иһиллэр ол онно Манчаары куолаһа:
"Эһиэкэй-оһуокай, эһиэкэй-оһуокай!"


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).