ТОЙОН АРЫЫ БАРАХСАН Печать    
Павел Иванов тыллара

Одоҕой, хара ынах алаастаах,
Буотама, Кэтэмэ үрэхтээх,
Бэгиэкэн, Дьобулҕа сыhыылаах,
Харыйа, хатыҥ мас чараҥнаах.

Хос ырыата:

Өлүөнэ өрүспүт,
Эбэбит үөhүгэр
Туругуран, тупсан үөскээбит
Тойон Арыы барахсан.

Саас буолан, уу кэлэн халыйан,
Ойоостор, хотооллор нүөлсүйэн,
Уонунан тыhыынча гектарга
Быйаҥнаах үүнүүбүт долгуйуо.

Хос ырыата.

Өрүспүт күөх оттоох арыыта
Элбэх эт, үгүс үүт үктэлэ,
Аатырбыт Чепалов доярдаах,
Сылгыhыт Дьарааhын дьоннордоох.

Хос ырыата.

Килбиэннээх үлэнэн аатыран,
Дорҕоонноох тойукка хоhуллар,
Биhиги үөскээбит дойдубут
Тойон Арыы барахсан.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).