ФЕРМА КЫРГЫТТАРА

С. Данилов тыллара

Билэр дьонум доҕотторо
Биэс бэһиэлэй кыргыттары
Үөрэ даҕаны мин көрдүм
Үүт-Көлүйэ ферматыгар.

Хос ырыата:

Көрүүй хайдах курдук көрө-көрө күлэ
Үөрэн мичилиһэ тураллар, тураллар.

Тоҕус былас да буолбатар —
Тохтор долгун суһуохтаахтар,
Туйаарыма Куо да буолбатар —
Туналҕаннаах ньуурдаахтар.

Хос ырыата.

Хатыҥ буолан наскылдьыһан
Ханыылаһан тахсаннар,
Сайыҥҥы күнү сайыһа
Сайдыы-сайдыы хаамсаллар.

Хос ырыата.