ТЭПСИЛЛИБИТ СИБЭККИ

Григорий Ильин тыллара

Тэпсэн ааспыт сибэккиҥ
Хагдарыйан сытарын
Тылыннара сатаама.
Өһөн бүппүт иккиһин
Күн сиригэр хатылаан
Эргиллэрин этимэ.

Кэлбит ааһан бүтэр,
Эстэн-иҥэн сүтэр
Олоххо ыйаахтаах.
Ким да ону тумнан
Ааспат, төлө көппөт,
Үөһэттэн айыылаах.

Ааспыт кэмҥэ хаалбыты,
Өлбүт үйэ дүрбүөнүн,
Хаалбыт ыра санааҕын,
Көмнөҕүнэн бүрүллэн
Сыыска-буорга
Көрүөм диэҥҥин санаама.