ХАҺАН ЭРЭ Печать    
Тумус Мэхээлэ тыллара, Александр Ильин мелодията

Үүт-хайаҕас таһаарынан,
Күө-дьаа буолан,
Дьиэни-уоту, баайы-дуолу тэринэҥҥин,
Көр, бу дьэ, киһи дэтэн, олох устун
Сүүрэн-көтөн, көччүйээхтээн
Кэлэн ааһыаҥ!

Хаһан эрэ!
Күнүм тыгыа...
Күлүмүрдүө
Күөлбэр түһэн,
Көччүйүөҕэ күөх сирэмҥэ!
Кэрии тыабар
Кэҕэ этиэ...
Кэпсиэ-ипсиэ
Кэрэ кэми...
Миэхэ буотах -
Атыттарга!!!

Күн сиригэр олох кэлэн,
Букатынныы
Олоруоххун, көччүйүөххүн
Баҕараҕын!
Туолбат санаа оонньуулара биһигини
Эрэйдииллэр-мэһэйдииллэр
Күнүн аайы...

Хаһан эрэ!
Күнүм тыгыа...
Күлүмүрдүө
Күөлбэр түһэн,
Көччүйүөҕэ күөх сирэмҥэ!
Кэрии тыабар
Кэҕэ этиэ...
Кэпсиэ-ипсиэ
Кэрэ кэми...
Миэхэ буотах -
Атыттарга!!!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).