ДОҔОЧЧУГУОМ, ТОҔО МАННЫК? Печать    
Семен Данилов тыллара

Доҕоччугуом, тоҕо маннык
Тоҥкурууннук көрсөн,
Туохтан дууһаҥ туоххаһыйан,
Чоҕулуччу көрдүҥ?
Миигиттэн дуу хоргутаҥҥын
Үөрэ тоһуйбатыҥ,
Тугу мин туора туттаммын
Маннык киэр хайыстыҥ?

Ыар буруйдаах буоллахпына
Муҥатыйа ааттыам,
Буруйа да суоҕум иһин
Буруйдаахтыы туттуом.
Хаарыан дьиэм хараҥаччыта,
Халлаан курдук халлыый,
Үрүҥ дьиэм үрүмэччитэ
Үөрэн-көтөн кэлиий.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).